Kryeministri Edi Rama deklaroi se toleranca fetare në Shqipëri është një thesar që duhet të mbrojmë.
Gjatë fjalës së tij në konferencën kundër ekstremizmit të dhunshëm, kreu i qeverisë foli për përpjekjet e vendit tonë për të përballuar me këto sfida.
“Ekstremizmi i dhunshëm është çështje e ndjeshme për t’u diskutuar. Në Shqipëri toleranca fetare është një thesar që duhet t’a mbrojmë. Unë besoj se kemi një përpjekje të përbashkët, pavarësisht sfidës për ekstremizmin e dhunshme. Mënyra se si ka dalë dhe se si përballemi me këtë sfidë, duhet të përballemi me nevojën për të mbrojtur parimet. Nuk do doja të merrja më shumë kohë, pasi ka gjëra shumë më interesante për të thënë. Ju falënderoj për praninë tuaj dhe ju garantoj për vullnetin tonë për të punuar krah për krah. Me shumë dashamirësi do t’ia lë fjalën madhërisë së tij”, tha Rama.
Por, sot në media po qarkullon një foto ku shikohet kreu i qeverisë të kalojnë sipër qilimave në të cilët falen besimtarët myslimanë. Fotoja është shkrepur në kohën kur Rama ishte kreu i Bashkisë së Tiranës.
Lidhur me foton ka reaguar sot edhe ish-ministri i Drejtësisë, Ylli Manjani. Në një status këtë të hënë në Facebook, ai shkruan se kryeministri Edi Rama, në kohën kur ishte kryetar bashkie i shkelte me këmbë ritet fetare të myslimanëve, ndërkohë sot shtron iftare elektorale dhe flet për Perëndimin, por kokën e ka nga Turqia dhe mendjen nga Rusia.
“Vetëm për të ngrënë ulet me ta. Në të vërtetë, Qeveri e tepsisë është”, shprehet Manjani.
Postimi i Ylli Manjanit:
Po kur bën sikur i respekton Muslimanët!!!
Vite më parë, kur ishte Kryetar i Bashkisë, i shkelte me këmbë (literalisht) ritet fetare të tyre.
Sot shtron iftare elektorale dhe flet për perëndimin, por me kokë nga Turqia dhe mendje nga Rusia.
Kjo foto tregon në të vërtetë se sa “i respektshëm” është. Vetëm për të ngrënë ulet me ta.
Në të vërtetë, Qeveri e tepsisë është!
