Partia Demokratike pritet të padisë kryeministrin Rama për foton e tij me ish-presidentin e Shteteve të Bashkuara të Amerikës, Barack Obama, gjatë kohës që ishte në opozitë. Padia e PD, vjen pas dënimit me 4 muaj burg të William Argeros në SHBA.
Kujtojmë këtu se kjo foto u publikua në vitin 2012, dhe asokohe u cilësua si një skandal nga demokratët në vitin 2016, të cilët akuzuan kryeministrin, se kishte paguar 80 mijë dollarë për këtë foto në formë kontributi për zgjedhjet në SHBA.
Nga ana tjetër, gjykatësja Madeline Cox Arleo, dje dënoi me 4 muaj burg William Argeros, pasi sipas drejtësisë amerikane, 61-vjeçari ndërhyri që të paguheshin këto para, pasi në bazë të ligjit, SHBA u ndalon shtetasve të huaj të japin kontribute për kandidatët federalë.
