Meghan Markle, pak ditë më parë shkoi për të parë ndeshjen e mikeshës së saj, Serena Williams. Siç ndodh zakonisht, personat e sigurimit i kërkuan njerëzve të mos shkrepnin asnjë foto drejt saj.
Por dikush nuk e dëgjoi thirrjen dhe u shfaq përpara princeshës me një iPhone. U duk sikur zotëria në fjalë po bënte diçka të ndaluar, por në fakt ai po fotografonte veten.
Burri me telefon në dorë, që u bë viral brenda 24 orëve, ka qenë duke bërë një selfie. “As që më interesonte t’i bëja një foto Meghan-it, Harry-it apo ndonjë tjetri nga familja mbretërore. Do pyesja përpara se ta bëja, por kësaj here isha më i interesuar të bëja një video teksa zhvillohej ndeshja”, është shprehur ai për “The Sun”.
Në fakt, burri i quajtur Hasan Hasanov po bënte një selfie për gruan e tij, dhe kur personat e sigurimit i kërkuan të respektojë privatësinë, ai mendoi se e kishte fjalën për lojtarët dhe jo për Meghan-in.
