Pamjet e një djali në pikën kufitare të Kakavijës i cili është i përlotur dhe shtrëngon fort pashaportën, ka prekur zemrat e shqiptarëve.
Fëmija ka marrë pashaportën shqiptare në dorë dhe e mban të shtrënguar në kraharor, ndërsa i është dashur që të pres me ditë me radhë për të kaluar kufirin.
I lodhur nga pritja e gjatë, në një moment shfaqet me lot në sy duke e shtrënguar pashaportën, pamje që janë bërë virale në rrjetet sociale.
Një polic e shkëput nga turma dhe e tërheq mënjanë ta ulë në një bordurë. Fëmija vazhdon të qajë, dhe shtrëngon në gjoks pashaportën.
