Publikohet fotoja dhe identiteti i shqiptarit të shpallur në kërkim nga policia greke. Ai drejtonte një organizatë kriminale që merrej me trafikimin e lendeve narkotike.
Autoritet greke bëjnë të ditur se ai është Erius Tafaj 30 vjeç. Ai rezulton të jetë një peron me precendetë të mëparshëm.
Tafaj është drejtuesi i rrjetit të drogës që u godit ditën e shtunë më 13 Tetor nga policia greke. Policia u ka bërë thirrje qytetarëve që të ndihmojnë në kapjen e shqiptarit. Njëmbëdhjetë persona u arrestuan, ndër të cilët 8 janë shqiptarë.
Pjesë e kësaj organizate ishin edhe dy policë grekë. Njëri ishte anëtar i skuadrës kundër krimit të organizuar në Policinë Greke. Ndërsa polici i dytë punonte në komisariatin e Grevenas.
Gjatë operacionit, mundi të arratisej vetëm Erius Tafaj. Ai tani është shpallur në kërkim.
Anëtarët e grupi për të mos rënë në përdornin karta telefoni të blera në treg të zi. Numrat e tyre ishin të paregjistruara dhe ata komunikonin lehtësisht me njëri-tjetrin.
Gjithashtu, ata flisnin me terminologji të koduar. Ata përdorni fjalë të tilla si: gjalpë, tortë apo ëmbëlsira duke nënkuptuar lloje të drogërave.
Kurse për pagesat e parave, përmendin shuma të vogla si 2 Euro apo 5 Euro. Gjatë operacionit u sekuestruan sasi të ndryshme droge (kokainë, heroinë, marijuanë). Nga ana tjetër u konfiskuan edhe 5 pistoleta, fishekë të kalibrave të ndryshëm, celularë dhe karta SIM, 35 mijë Euro cash, bizhuteri dhe sende të tjera me vlerë. Shqiptari Erius Tafaj mundi t’i arratisej policisë në momentet e fundit.
Për këtë arsye, dyshohet se 30-vjeçari është njoftuar për operacionin që po zhvillohej. Kjo lë të hapur mundësinë që efektivë të tjerë të policisë greke mund të jenë të përfshirë në këtë organizatë. Nga hetimi që ende është në vazhdim, nuk janë identifikuar policë të tjerë të korruptuar./TIRANA TODAY/
