Tre deputetë të Partisë Demokratike rezulton se kanë votuar pro Kryeprokurores së Përkohshme, Arta Marku.
Në fakt nuk bëhet fjalë për ndonjë votim të gabuar apo të paqëllimshëm, por për kartat e votimit të cilat deputeti Taulant Balla i ka marrë nga krahu i opozitës.
Kështu sipas procesverbalit të publikuar edhe nga deputeti Genc Pollo, rezulton se ai vetë, së bashku me Ervin Salianjin dhe Anton Frrokajn kanë votuar pro Markut.
Me anë të një postimin në “Twitter”, deputeti i i PD-së Gnec Pollo, shkruan “Këta falsifikojnë edhe emrin e tyre !!! Jo më votën time!!! Votimi i PPP i paligjshëm e i pavlefshëm”, shkruan Polli. Ndërsa nga ana tjetër deputetja e PD-së Jorida Tabaku me anë të një statusi në “Facebook”, shkruan se “. Sot akti i zgjedhjes se PPP (prokurorja e Përkohshëme e i Përgjithshme) pervecse nje puc kushtetues ishte dhe nje proces i falsifikuar. Te pakten ne dy raste deputetet e Partise Socialiste kane marre kartat dhe kane votuar duke e zhytur akoma dhe me shume ne paligjshmeri dhe antikushtetuetshmeri kete proces. Ky proces nisi dhe bitisi si i pavlefshem!”.
Ndërsa opozita ka publikuar dhe një foto të se deputeti socialist Taulant Balla, gjatë kohës së nisjes së procesit te votimit në Kuvendin e Shqipërisë, për Prokuroren e Përgjithshme të Përkohshme, ku shkruan: “Sekretari i Përgjithshëm i PS-së, Taulant Balla nuk ka vjedhur vetëm një kartë nga tavolinat e opozitës ndërkohë që deputetët e saj ishin grumbulluar pranë podiumit ku qëndron qeveria, por plot 8-të të tilla.
Kryeprokurorja e Përgjithshme e Përkohshme mori 69 vota, por vetëm nga faktet e zbuluara deri më tani, atë e kanë votuar vetëm 61 deputetë të PS-së.
Pavarësisht nga kjo, akti i rëndë i deputetit Balla e bën procesin e votimit të Arta Markut në këtë pozicion të rëndësishëm, krejtësisht të pavlefshëm.
Kjo pasi kartat elektronike janë si kartat ‘ID’ dhe pas votimit rezulton emri i deputetëve të opozitës, të cilët në ato momente gjendeshin pranë foltores.
Njëkohësisht akti i vjedhjes së kartave elektronike nga ana e Taulant Ballës përbën, edhe një vepër penale”.
