Pas mbarimit të sfidës mes Vllaznisë dhe Tiranës, tifozët e Shkodrës po prisnin në dalje të stadiumit ata të Tiranës për të vijuar ‘sulmet’ edhe në rrugët e qytetit. Mes tyre ka pasur edhe shkëmbim fishekzjarrësh, por policia ka ndërhyrë në kohë, duke shuar kështu çdo përplasje të mundshme.
Ndërkohë, teksa ekipi kryeqytetas po largohej, tifozët e Vllaznisë kanë goditur me gurë autobusin, duke shkaktuar vetëm dëme materiale.
