Më herët u njoftua se vendimi për ish-ministrin e Brendshëm, Saimir Tahiri, do të bëhej publik nga Gjykata e Krimeve të Rënda në orën 16:00. Orari i planifikuar tashmë ka kaluar, e kalimi i orëve e bën edhe më të tensionuar situatën.
Përpos numrit të madh të gazetarëve e operatorëve në Gjykatën e Krimeve të Rënda, pranë tyre qëndron edhe ish ministri i Brendshëm, Saimir Tahiri.
Ai po pret me ankth i ulur në shkallët e gjykatës. Tahiri shoqërohet edhe nga një person tjetër.
Prokuroria e Krimeve të Rënda ka kërkuar 12 vite burg për ish-ministrin, por me gjykim të shkurtuar, kërkesa përfundimtare shkon në 8 vite.
Tahiri akuzohet për tre vepra penale: “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.
