Policia arrestoi në flagrancë ditën e djeshme një 43-vjeçar, pasi shfrytëzonte për prostitucion disa vajza.
Bëhet fjalë për Edmond Çipllaka, nga Fieri, i cili shfrytëzonte vajza për prostitucion në një lokal të marrë me qira, ndërsa dyshohet se tregtonte edhe lëndë narkotike në lokal, pasi policia i gjeti edhe një sasi kokaine, si edhe një peshore.
Mësohet se Çipllaka ka qenë dikur pjesë e shoqatës së gjyqtarëve të boksit.
Ndërkohë, u proceduan penalisht edhe pesë vajza kryesisht të moshës 25 deri në 40 vjeç. Sipas policisë, vajzat kryenin aktivitetin e prostitucionit në ambientet e lokalit, i cili në pamje të jashtme ofronte argëtim me muzikë tallave dhe balerina.
