Kryeministri Edi Rama ka prezantuar sot në Kongresin e PS-së, anëtarin më të vjetër në moshë të Partisë Socialiste.
Teksa po ngjitej në podium, Rama kërkoi që në skenë t’i bashkëngjitej dhe Zeqiri. Sipas kreut të qeverisë, Zeqiri është 100 vjeç, gjë e cila e bën automatikisht anëtarin më të vjetër në moshë të kësaj partie.
I moshuari falenderoi Ramën për mundësinë e dhënë, teksa shtoi se kongresi do ta forcojë edhe më shumë unitetin e partisë.
Rama: Dje në mos gabohem më bëri një pyetje një gazetare që siç tha ajo që disa socialistë të vjetër kanë kërkuar disa gjëra. Unë i thash se s’ka socialistë të vjetër. Sot dua të sjellë provën për të gjithë ata që nuk na njohin akoma. Dua të sjellë këtu në skenë një delegat, dua të sjell këtu Zeqirin. Çohuni në këmbë, duartrokiteni, është 100 vjeç.
I moshuari: Të nderuar socialistë, falënderoj zotin Edi Rama për mundësinë që më dha. Mendoj se ky kongres do ta forcojë akoma më shumë unitetin e PS. Edhe lidhjet e saj me masën. Ne veteranët e Luftës Nacional Çlirimtare e mbështesim shumë mazhorancës qeverisëse, pasi po përballon situata të vështira, në zgjidhjen e halleve të popullit.
Rama: Tani mund të uleni se u lodhët duke qëndruar në këmbë.
