Seanca parlamentare sot është shoqërua me përplasje mes opozitës dhe mazhorancës. Menjëherë pas përfundimit të fjalës nga ana e kreut të PD-së Lulzim Basha, deputetët e PD-së dhe ato të LSI-së kanë bllokuar foltoren. U desh ndërprerja dy herë e seancës nga ana e kryeparlamentarit Gramoz Ruçi, pasi kishte shumë tensione.
Por, edhe pas ndërprerjes situata nuk është qetësuar madje ka agravuar edhe më tej, ku deputetët e PD-së Flamur Noka dhe Klevis Balliu, i kanë hedhur miell në fytyrë kryeministrit Rama.
Kaq ka mjaftuar që kryeparlamentari Ruçi të kërkonte përjashtimin e tyre nga Kuvendi. Por, nga ana tjetër edhe nga radhët e mazhorancës nuk kanë munguar provokimet. Ka qenë ministri i Jashtëm Ditmir Bushati i që ka lagur me shishen e ujit deputetët e opozitës, të cilët më pas i janë përgjigjur me topa letrash me vezë dhe me bidonë uji.
Por, pas përfundimit të seancës mes tensioneve ku mazhoranca miratoi pikat e rendit të ditës, deputeti Sali Berisha, jashtë ambienteve të Kuvendit për media u shpreh se: “deputetët e bënë Ramën të dalë nga dera e pasme, nga dera e nevojtores sepse atje e ka vendin”.
Por, për media ka pasur dhe prononcime nga deputetët e PS-së si Taulant Balla dhe Elisa Spiropali. Kreu i grupit parlamentar të PS-së, Balla u shpreh se “çunat e Lulit dhe vajzat e Monikës ushtruan dhunë në Kuvend”.
Ndërsa Spirapali është shprehur se ndiente neveria nga parullat që mbanin në Kuvend gratë dhe vajzat deputete, ku në një prej tyre shkruhet: “Rama-Dick”.
E ndërsa në vija të përgjithshme këta ishin disa nga momente kryesore të përplasjes së sotme në seancë mes qeverisë dhe opozitës, ju më poshtë mund të shikoni disa foto të cilat i ka kapur vetëm syri i fotografit Agim Rama. TIRANA TODAY
