Busti i ish-kryetarit të Kuvendit, Pjetër Arbnori është vendosur para sallës së seancave plenare. Ceremonia e organizuar për përurimin e bustit i mblodhi një ditë më parë të majtë e të djathtë, ku nuk munguan as ish-kryetarja e Kuvendit, Jozefina Topalli. Në ceremoni ishte kreu demokrat Lulzim Basha, i cili shtrëngoi duart me kreun e Kuvendit Gramoz Ruçi, por jo me ish-kundërshtarët e tij.
Por kryeparlamentari në një moment tjetër është kapur nga syri i fotografit Agim Rama, teksa i ka futur krahun Presidentit Mata, dhe duket se ata ndihen mirë në praninë e njëri –tjetrit.
Më tej në fjalën e tij, kryetari i Kuvendit, Gramoz Ruçi vlerësoi kontributin e Pjetër Abrnorit duke theksuar se ai mbetet një njeri i dashur për njerëzit: “Pjetër Arbnori ishte një personalitet politik dinjitoz dhe i respektuar. Jeta vuajtjet ia derdhi lumë, ndërsa lumturinë ia dha me kursim, ia dha me vonesë dhe ia mori shumë shpejt. Në drejtim të Kuvendit, Arbnori mbeti njeri i dashurisë për njerëzit”.
Ish-ministri i Jashtëm dhe mik i Arbnorit, Besnik Mustafaj, tha se Pjetër Arbnori do të ishte sërish sot kundërshtari më i fortë politik i Ruçit: “Nëse sot do të ishte deputet, ai do të ishte kundërshtar politik i Gramoz Ruçit, por për këtë statujë do ta falenderonte pa ngurrim”.
Të pranishëm në ceremoni ishin edhe familjarë të Pjetër Arbnorit. Por përveç tyre ishin edhe artistë dhe figura të njohura për publikun. Mes tyre u ve re prania e artistes Tinka Kurti, e cila në një postim të shpërndarë në rrejtin e tij social ‘Facebook”, fotografi Agim Rama e ka fiksuara atë në një momente teksa po puthte kryetarin e Bashkisë së Tiranës Erion Veliaj. Përqafimi mes artistes dhe kreut të Bashkisë ka ardhur në një momentin, ku në media po vlon debati për ligjin i cili u votua në Kuvend vetëm me votat e mazhorancës, për shembjen e Teatrit./TIRANA TODAY/
