Bie në pranga 72-vjeçari që hante të dashurat. Policia në Meksikë zbuloi të mërkurën, pjesë të trupit të një 34-vjeçareje të shpallur në kërkim dhe 8 grave të tjera në shtëpinë e një 72-vjeçari, i cili u vu në pranga.
Zyra e Prokurorit të Përgjithshëm bën me dije se Andres Mendoza, akuzohet për vrasjen e 9 femrave për një periudhë kohore 20-vjeçare, një pjesë prej të cilave kishin pasur lidhje me të.
Mediat meksikane raportuan në lidhje me këtë ngjarje se Mendoza kishte pranuar përpara prokurorëve, se kishte ngrënë pjesë nga trupat e viktimave. Ai gjithashtu kishte regjistruar në video dhe vrasjen e tyre.
Policia në qytetin e Atizapan, po bënte një kërkim për Reyna Gonzales, kur gjetën pjesë të trupit të saj në shtëpinë e Mendozës.
Nëna e dy vajzave kishte shkuar atje për t’i dhënë fund lidhjes, por kishte hasur në kundërshtinë e të moshuarit, i cili më pas e kishte qëlluar me thikë.
