Në ditën kur opozita ka mbledhur mijëra njerëz për të protestuar kundër zgjedhjes së kryeprokurorit të ti, i cili sipas tyre është anit-kushtetues, qeveria ka vendosur që të përgjigjet ndryshe.
Në Kuvend në çdo karrige ishte vendosur nga një bluzë më luledielli. Bluzat janë të shoqatës “Ti je një lule dielli”, që drejtohet nga moderatorja Albana Osmani, e cila u vjen në ndihmë fëmijëve të sëmurë.
“Sot në ditën e fundit të kuvendit për këtë sesion kemi vendosur të bëhemi bashkë për të mbështetur këtë iniciativë të shoqërisë civile “Ti je një luledielli”, për të kontribuar për fëmijët me leucemi. Të bëhemi të gjithë bashkë për blerjen e një aparature për diagnostikimin e kësaj sëmundjeje në spitalin universitar të Kosovës”, tha deputeti i PS-së Taulant Balla.
Por, kësaj nisme i është bashkuar dhe kryetarja e LSI-së Monika Kryemadhi, e cila ka veshur bluzën me logon e “Ti je një luledielli”.
