Futbollisti i Kosovës, Valon Berisha i cili luan me skuadrën e Stade de Reimsit në Francë, është përzgjedhur si njëri prej lojtarëve më të mirë të javës së tetë të kampionatit frandez.
“L’Equipe” e ka përfshirë mesfushorin 27-vjeçar në “Formacionin më të mirë të javës së tetë të Ligës 1”.
Berisha vlerësohet me notën 7 për paraqitjen e mirë ndaj Montpejesë ditën e djeshme kur Stade-de-Reims triumfoi 0-4.
Megjithëse nuk shënoi apo asistoi në këtë takim, Berisha udhëhoqëi organizimin e lojës së ekipit të tij duke qenë aktiv gjatë gjithë ndeshjes.
