Një gazetar meksikan që punonte në një radio, është qëlluar për vdekje në Veracruz të enjten, sipas stacionit të tij dhe autoriteteve shtetërore. Jacinto Romero Flores u vra në komunitetin Potrerillo, njofton Hugo Gutiérrez Maldonado, kreu i agjencisë së sigurisë shtetërore Veracruz, përmes Twitter-it. Gutiérrez tha se policia e shtetit po kryente një operacion në zonë pas vrasjes.
Romero ka punuar për Ori Stereo, 99.3 FM. “Media nuk është shkaku dhe as efekti i dhunës në vend, por ne vuajmë pasojat për kryerjen e gazetarisë dhe komunikimit”, thuhej në një deklaratë.
Komisioni Shtetëror për Mbrojtjen e Gazetarëve dënoi vrasjen, dhe i bëri thirrje zyrës së prokurorit të shtetit që të hapë një hetim të plotë.
Organizata e lirisë së shtypit tha se Romero kishte marrë kërcënime. Komiteti për Mbrojtjen e Gazetarëve me qendër në SHBA, tha përmes Twitter-it se “kishte mësuar dhe dënonte me forcë vrasjen e reporterit Jacinto Romero në shtetin e Veracruz, dhe u kërkon autoriteteve të ndërmarrin një hetim të shpejtë, transparent për vrasjen”.
Veracruz ka qenë prej vitesh një nga shtetet më vdekjeprurëse të Meksikës, për gazetarët. Grupe të shumta të krimit të organizuar, veprojnë brenda shtetit dhe kanë depërtuar në qeverisjen vendore dhe shtetërore.
Burimi i lajmit: Dailymail. Përshtatur nga Tirana Today
