Një xhami historike në Turqi është zhvendosur nga vendi i saj i mëparshëm pasi rrezikohej nga një projekt i digës Ilsu.
Sipas mediave vendase, Xhamia “Er Rizk” e cila ndodhet në provincën e Batman, në pjesën juglindore të Turqisë është 609-vjeçare. Bëhet me dije se xhamia është zhvendosur në një park kulturor rreth 4 kilometra larg nga vendi i saj origjinal.
“Ne i kishim kryer testimet tona në rrugë deri dje, dhe nuk kishte asnjë problem. Ne do të transportojmë monumentin përmes një rrugë 4,670 metrash në vendin e tij të ri në arkeo-park”, tha Ali Naci Kosali, një zyrtar i projektit.
Ai shtoi se minarja e xhamisë është çmontuar dhe do të restaurohet pasi të jetë vendosur mbi xhami.
