Një ngjarje e rëndë është regjistruar paraditen e sotme në Kakavijë, teksa raportohet se një ambulancë ka përplasur për vdekje një fëmijë.
Ambulanca ka qenë me shpejtësi duke transportuar një të sëmurë për të marrë ndihmë mjekësorë, në momentin që ka aksidentuar të miturin. Policia bën me dije se viktima është S.N, 10 vjeç, nga Lezha, i cili ka ndërruar jetë në vend.
Deri më tani nuk ka informacion në lidhje me moshën e fëmijës. Ndërkohë, situata vijon të jetë kaotike në Kakavijë, teksa mijëra njerëz janë bllokuar duke pritur në radhë për të kaluar kufirin.
Njoftimi i policisë:
“Një autoambulancë, e cila qarkullonte me shpejtësi nga Kakavija në drejtim të Spitalit Rajonal Gjirokastër për të dërguar në spital një grua që kishte probleme shëndetësore , në afërsi të kthesës së Bularatit, ka përplasur një fëmijë S.N, 10 vjeç, nga Lezha, i cili për pasojë ka ndërruar jetë në vend.
Shërbimet e Policisë kanë shoqëruar në Komisariat drejtuesin e ambulancës, A.G për veprime të mëtejshme.
Ndërkohë shërbimet e policisë me një automjet të Policisë Rrugore transportuan në drejtim të spitalit rajonal shtetasen që ndodhej në autoambulancë për ndihmë mjekësore.”
