Një drejtor policie të një rajoni në Rusi është arrestuar për akuzën e korrupsionit. Gjatë një operacioni, hetuesit rusë thanë se shkatërruan një bandë policësh të korruptuar. Në pranga ka rënë drejtuesi i policisë rrugore në rajonin Stavropol, Alexei Safonov së bashku me persona të tjerë. Kreu i departamentit të policisë së trafikut Alexei Safonov, dhe më shumë se 30 prej vartësve të tij u arrestuan.
Safonov është një kolonel policie. Ai drejtoi departamentin e policisë rrugore për territorin e Stavropolit në 2012. Gjatë një kontrolli në vilën e Safonovit, u gjetën porta të lara në ar, shkallët, dyert e deri tek tualeti.
Sipas autoriteteve, e gjitha kjo nuk mund të blihej me një pagë të ndershme të shefit të departamentit të policisë rrugore. Alexey Safonov është mësuar të jetojë në luks, dhe gjithçka ishte e larë në ar.
Disa muaj më parë, Alexei Safonov foli për rreziqet e ryshfetit. Ai u ankua se oficerët e policisë rrugore nuk mund t’i rezistonin tundimit për të marrë para nga pronarët e makinave që u ofronin atyre ryshfet. Me sa duket, sa e vështirë është të refuzosh një ryshfet, Alexei Safonov e di nga përvoja e tij.
Hetuesit rusë thanë të martën se ata kanë zbuluar një skemë ryshfeti shumë milionëshe të drejtuar nga dhjetëra oficerë të lartë të policisë rrugore. Komiteti Hetimor publikoi pamjet e rezidencës së pasur të kolonelit të policisë Alexei Safonov në rajonin Stavropol të Rusisë jugore, pas ndalimit të tij.
