Policia e Kosovës ka arrestuar sot deputetin e Vetëvendosjes, Albin Kurti. Arrestimi vjen pas urdhërarrestit të lëshuar nga gjyqtari Beqir Kalludra.
Deputeti i VV-së është arrestuar teksa po hynte në objektin e Kuvendit të Kosovës për vazhdimin e seancës.
Tre deputetet e VV-së, Albin Kurti, Albulena Haxhiu dhe Donika Kadaj-Bujupi akuzohen nga Gjykata për hedhjen e gazit lotsjellës në Kuvend.
Pas arrestimit të Kurtit nga Policia e Kosovës, kanë reaguar deputetët e Vetëvendosjes, në shenjë kundërshtimi për arrestimin e kolegut të tyre Kurti. Pas këtij reagimi, Policia ka hedhur gaz lotsjellës për t’i shpërndarë deputetet e VV-së.
Para dy ditësh, Policia e Kosovës rrethoi shtëpinë e Albin Kurtit pas lëshimit të fletë-arrestit nga Gjykata Themelore e Prishtinës.
