Një aksident ka ndodhur sot në segmentin rrugor Fier-Levan, ku janë përplasur dy automjete tip Benz.
Përplasja ka ndodhur në vendin e quajtur “Çezma e Levanit”, ndërsa nga përplasja janë lënduar një grua dhe një burrë, të cilët janë dërguar menjëherë në spitalin Rajonal të Fierit.
Ende nuk dihen shkaqet e aksidentit. Ndërkohë forca të shumta policie ndodhen në vendin e ngjarjes, të cilët po dokumentojnë edhe shkaqet e mundshme të aksidentit.
