Shqipëria do të përballet me Uellsit, në një takimi miqësor që do të zhvillohet në “Elbasan Arena”. Ky është momenti që djemtë e Panuçit të bëjnë autokritikë dhe të kthejnë besimin e tifozëve, pas disa rezultatesh negative të marra kohët e fundit.
Sa i përket formacionit të kuqezinjve, ka shumë ndërrime të detyruara, sidomos në repartin e mbrojtjes. Nga ana tjetër, Panuçi ka vendosur në funksion më në fund skemën e tij të preferuar me tre mbrojtës, ndërsa edhe Lila është titullar. Hysaj dhe Uzuni do të jenë krahët e mesfushës, ndërsa në sulm është vendosur Balaj që do të mbështetet nga Grezda.
Ndërsa tek uellsianët vihet re mungesa e Gareth Bale nga fillimi i ndeshjes, por trajneri Giggs në konferencë u shpreh se ylli i Real Madrid është i gatshëm dhe mund të ketë minuta edhe për të.
Formacioni zyrtar i Shqipërisë: Berisha, Ismajli, Mavraj, Veseli, Basha, Lila, Xhaka, Hysaj, Uzuni, Grezda, Bala
