Kukësi do të zhvillojë përballjen e parë përballë Qarabagut të Ansi Agollit në turin kualifikues të Champions League. Ndeshja do të zhvillohet në “Loro Boriçi” në orën 19:00 dhe tashmë janë publikuar edhe formacionet që do të zbresin ekipet në fushë. Verilindorët me Cungun në krye shpresojnë që të marrin një rezultat pozitiv në shtëpi, për të shpresuar tek kualifikimi edhe pse duket mjaft i vështirë.
Donjet Shkodra do ta nisë këtë sfidë nga stoli, pasi Cungu do ta nisë ndeshjen me 5 mbrojtës. Ndërsa nga ana tjetër Qarabag vjen me një formacion 4-2-3-1 dhe nga minuta e parë në fushë do të zbresë dhe Ansi Agolli. Skuadra azere është favorite në këtë përballje dhe do tentojë ta zgjidh kualifikimin në ndeshjen e parë.
KUKËSI: Frashëri, Shameti, Ala, Qaqi, Maliqi, Rumbullaku, Musori, Dzaria, Çyrbja, Melo, Plaku
QARABAG: Vagner, Garajev, Medvev, Hysenov, Sadigov, Agolli, Slavçev, Ozobiç, Mishel, Guerrier, Madatov.
