Ministri i Punëve të Brendshme, Aleksandër Vulin, ka reaguar pasi përfaqësuesi i shqiptarëve në Kuvendin e Serbisë, Shaip Kamberi ka mbajtur një fjalim në gjuhën shqipe, ku ka thënë se Gjykatë e këtij shteti ka legalizuar termin ofendues “shiptari”.
Vulin ka reaguar, duke thënë se fjala “Shiptar” nuk është ofenduese, por është një sinonim i fjalës “shqiptar”, dhe sipas tij, Kamberi duhet të ndalojë së mësuari serbët se si duhet të flasin.
Po ashtu, ai ka thënë se ka pritur me padurim që Kamberit t’ia thoshte sot, por ai nuk u paraqit në Parlamentin Serb. Ndër të tjera, Vulnin ka thënë se të gjithë kanë të drejtë të flasin gjuhën e tyre, por duhet të kishte një përkthyes.
“Shiptari ka të drejtë të flasë në gjuhën e tij. Nuk është e saktë që ai nuk na ofroi një përkthim, por kjo flet vetë,”-tha Vulin.
