Kryeministri Edi Rama ka zbardhur detajet e takimit me Ministrin e Jashtëm të Greqisë, Nikos Dendias, ku shkruan se kanë diskutuar për çështje në interes të popujve të dy vendeve.
“Kryeministria – Me Ministrin e Jashtëm të Greqisë Nikos Dendias, në një bisedë të frytshme për çështje me interes që bashkojnë popujt tanë”, shkruan ai.
Më herët, Dendias u takua me ministren Olta Xhaçka me të cilën mbajtën dhe një konferencë për shtyp.
Shqipëria dhe Greqia janë drejt finalizimit të kërkesës zyrtare që do t’i çohet Gjykatës së Hagës për shqyrtimin e një marrëveshje mes palëve, për çështjen e demilitimit të zonave detare.
“Kam gëzim që jam këtu sot dhe të njoftoj vendimin tonë për përcjelljen e çështjes të delimitimit të zonave detare dhe të shelfit kontinental në Hagë. Përmbushja e kësaj procedure ka rëndësi të veçantë, dhe të dyja vendet dëshirojmë të zgjidhim diferencat tona në bazë të së drejtës ndërkombëtare dhe të detit. Përtej rëndësisë së vendeve tona, dërgon një mesazh të rëndësishëm për vendet e tjera se kjo është mënyra e duhur për të zgjidhur divergjencat dhe si do të përshpejtojmë hapat që të depozitojmë dokumentet në gjykatën e Hagës”, tha ministri grek Dendias.
