Një makinë që transportonte para drejt aeroportit të Rinasit, është grabitur, ku për pasojë ka mbetur i vrarë edhe një nga grabitësit. Mësohet se kompania e grabitur ditën e sotme është “Nazeri 2000”. E njëjta kompani që është grabitur edhe 3 vite më parë në Aeroportin e Rinasit.
Tre vite më parë, ka ndodhur vjedhja e bujshme e 3 milion eurove brenda pistës së Aeroportit të Rinasit. Edhe në këtë periudhë sasia e parave transportohej nga kompania “Nazeri 2000” në bashkëpunim me kompaninë tjetër të sigurisë fizike, “Jaguar”, raporton Panorama.
Grabitësit kanë hyrë në terminalin e Aeroportit të Rinasit më një fugon të Tatimeve dhe të veshur si agjentë të Hetimit Tatimor. Gjatë tentativës së grabitjes ka pasur shkëmbim zjarri, ku ka mbetur i vrarë një person.
Ndërkohë që grabitësit janë larguar në drejtim të Fushë Krujës. Disa minuta më vonë kjo makinë e përdorur prej tyre është gjetur e djegur në Urën e Brarit. Dyshohet se shifra e grabitur është marramendëse, e cila mund të arrijë deri në 10 milionë euro, por sipas informacioneve paraprake thuhet se është 10 milionë euro.
