Një javë pasi vrau me armë zjarri vajzën që donte, Ariela Murati dhe më pas plagoi veten me armë zjarri, dje ka ndërruar jetë në spital Aldison Belulaj nga Zharrëza e Fierit. Ai është përcjellë sot për në banesën e fundit, ndërsa në lidhje me këtë ngjarje ka folur për News24 dhe BalkanWeb, djali i dajës së Aldisonit, Astrit Koroveshi.
“Ishim pranë spitalit sapo na njoftuan kur ndërroi jetë. I kemi qëndruar pranë këtë javë. Po ata do të prehen në të njëjtat varreza. Ne nuk kemi pse trembemi për mundësinë e hakmarrjes se ajo është diçka mes citit dhe ishte një lidhje për martesë. As ne nuk kemi marrë hak as ata. Ne na takonte t’i vendosnim kurora me lule vajzës sepse kjo mund t’i ndodhë kujtdo. Mesazhi im ështe të ketë paqe nga të dyja palët pasi të dy deshën njeri-tjetrin dhe kerkonin të shkonin në martesë, por ndodhi ajo që ndodhi. Ne duam të ketë paqe mesa familjeve dhe uroj të mos ndodhin më këto ngjarje”- tha Astrit Koroveshi.
