Bujar Spahiu ka mbajtur një fjalim të shkurtër, pas zgjedhjes së tij si kreu i ri i Komunitetit Mysliman të Shqipërisë.
Spahiu tha se ai do të vijojë punën e paraardhësve tanë, ndërsa shtoi se KMSH do të vijojë të jetë kontribuues i paqes dhe dialogut në vend, si dhe kundër ekstremizmit në Shqipëri.
Po ashtu, Spahiu falënderoi Bruçajn për kontributin e deritanishëm, si dhe kandidatët e tjerë Ylli Gurra dhe Gramoz Blliku.
Spahiu u zgjodh në krye të KMSH-së me 59 vota.
Fjala e Spahiut:
E falënderoj Brucajn për kontributin që ka dhënë , ka qenë në lartësinë e duhur. Dua ta falënderoj për arritjet kur mori detyrën e re, Zoti e shpërbleftë për këtë që ka bërë. Të nderuar anëtarë të Këshillit të Përgjithshëm, kam nderin q jam para jush i zgjedhur si kryetar i ri i KMSH-së. Siguroj shtetin shqiptar se do shërbej në këtë detyrë me përkushtimin e bindur ndaj Zotit, do bëj përpjekjet maksimale të jemi një qytetar i mirë.
KMSH do të vazhdojë të jetë kontribuues i paqes dhe dialogut në vend, do jetë kundër ekstremizmit në Shqipëri, ne jemi përgjegjës për përhapjen e paqes.
Unë do jem me ndihmën e Zotit shërbëtor i Kuranit dhe me traditën fisnike do i përmbahem atij. Na takon më shumë ne t’i dedikohemi detyrës së madhe që kemi përpara. Feja islame është feja e paqes dhe e shpresës. Vendi ynë ka nevojë për më shumë paqe.
Familja është vlerë themelore e çdo shoqërie. Falënderoj që më zgjodhët në këtë detyrë shumë të rëndë e të vështirë. Falënderoj kandidatët që ishin në garë, falënderoj gjithsecilin nga ju.
Do jem garant i çdo gjëje në ekuilibër për gjithçka.
