Pak çaste më parë, banorët e zonës së Astirit janë përplasur me policinë, teksa kanë tentuar që të hynin në sallën e Kuvendit. Protestuesit kanë hedhur kapsolla dhe tymues, ndërkohë kërkojnë që kryeministri Rama të dalë dhe të bisedojë me ta.
Nga ana tjetër, Rama nuk ka ndryshuar qëndrim, sa i takon dëshmpërblimit 100% të familjeve, që sipas tij, kanë zaptuar tokën vend e pa vend. Ai nuk hezoi që të tallte opozitën, ku me përfaqësusit e saj i është bashkuar protestës së banorëve të Astirit.
Rama, në fjalën e tij tallej me ta, duke thënë se “këtyre që janë akoma tek teritali, dhe flasin për integrimin me terital në gojë”. “As që bëhet fjalë 100% dëshmpërblim për banesat, tolerancë zero. Mos të dalin më të zënë rrugën. Shkoni të gëzoni ato që keni ndërtuar. Mos rrini aty. Ne do tu japim bonusin e qirasë 3 vite. Çfarë duan më shumë?”, tha Rama.
Kryeministri shtoi se ata që do të marrin bonus qiraje, do shlyhen nga taksat e mjekëve, infermierëve, punonjësve të policisë, etj. “Janë gjeneralë të NATO-s dhe nuk kanë shtëpi, mjekë, infermierë që meritojnë më shumë se ç’kanë. Pse duhet të paguajnë ata, pse ju keni zënë rrugën?!”, përfundoi Rama.
