Pas dy humbjeve në fazën e parë, drejtuesit e Flamurtarit kanë njoftuar ndërprerjen e bashkëpunimit me trajnerin, Dritan Sadedini.
Përmes një postimi në Facebook, klubi sqaron se Sadedini nuk do të jetë më trajner i parë, por do të vijojë të jetë pjesë e stafit teknik.
“Flamurtari Football Club, komunikojmë se kemi ndërprerë bashkëpunimin me Dritan Sadedinin si trajner i parë. Dritan Sadedini do të vazhdojë të jetë pjesë e stafit teknik të ekipit”, thuhet në njoftimin e klubit.
Kujtojmë se gjatë 9 javëve kampionat, Flamurtari ka grumbulluar vetëm 2 pikë në 9 takimet e para. Me këtë ritëm, kuqezinjtë mbeten kandidatët kryesorë për të rënë nga kategoria. Ndërkohë sa i përket trajnerit të ri që do zëvendësojë Sadenin, flitet se do jetë Artan Sakaj.
