Flamurtari dështon të marrë kryesimin pasi merr vetëm një barazim pa gola në ndeshjen e javës së katër të Superligës. Një rezultat që frenon ritmin e vlonjatëve, që gjithsesi mbeten, të paktën provizorisht, në vend të tretë të klasifikimit, ndërkohë që miqtë nga Gjirokastra kanë ruajtur ritmin e tyre. Rezultat i drejtë për një ndeshje të barabartë të zhvilluar masivisht në mesfushë, me të dy ekipet që janë mjaftuar me tentativat e tyre në kërkim të golit, nga jashtë zone.
Ofensiva e vlonjatëve i është besuar kroatit Bushic, i cili u bë protagonist në të paktën dy raste, por pa saktësi në finalizim. Nga ana tjetër, Bregu dhe Abazaj mbeten liderët e skuadrës së Luftëtarit, por jo në ditën e tyre më të mirë në gjetjen e kuadratit. Ritmi kërcënues i lojës është shfaqur në minutat e fundit të takimit, por edhe në ato momente pa qartësinë dhe saktësinë e nevojshme për zhbllokimin e rezultatit.
Flamurtari-Luftëtari 0-0
Flamurtari: Nurkovic, Siljanovski, Bicaj, Jakovljeviç, Musta, Pollozani, Sidibe, Useini, Alvesh, Kamara,Bushic.
Trajner: Shpëtim Duro
Luftëtari: Miraka, Toledo, Rapa, Beqiri, Rapo, Ramadani, Aleksi, Brahimaj, Bregu, Abazaj, Lamçja.
Trajner: Daniel Fernandez
Gjyqtar: Enea Jorgj
