Kryetarja e LSI-së, Monika Kryemadhi ka folur pas nënshkrimit të marrëveshjes me Partinë Demokratike.
Ajo tha se kjo marrëveshje është flamuri i shpresës për shqiptarët, ndërsa tha se largimi i Ramës është afrimi i integrimit të Shqipërisë me Bashkimin Evropian.
Fjala e Kryemadhit:
Për të gjithë skeptikët e opozitës, tashmë kanë alternativën e opozitës. Është shumë e qartë, kjo vjen si rezultat i agjendës opozitare e mirëorganizuar prej një viti ku sot përfundon me koalicionin opozitar përballë një shteti të kalbëzuar që garanton zgjedhje të lira e të ndershme. Sepse votime ka bërë dhe Enver Hoxha e diktatorët por popujt nuk kanë zgjedhur kurrë. Shqiptarët do zgjedhin atë që duan t’i udhëheqi. Kjo marrëveshje është flamuri i shpresës për shqiptarët dhe të gjithë ata që duan të ndërtojnë të ardhmen e tyre në Shqipëri. Shqipëria është shtëpia e shqiptarëve.
Jemi anëtare të BE, vërtet nuk jemi institucionalisht por Shqipëria e vendosur në mes të BE dhe si e tillë, çdo përpjekje e Ramës për ta mbajtur Shqipërinë larg be, është e dështuar. Sa më shpejt largimi i ramës, e afron integrimin e Shqipërisë në BE.
Absolutisht nuk ka asnjë tërheqje, këtu është problemi Rama fenomen, jo Edi Rama si njeri. Ai është telekomanda e krimit.
