Simpatizantë të PD-së janë mbledhur në bulevardin “Dëshmorët e Kombit” për të nisur marshimin, ashtu sikundër ishte paralajmëruar.
Ish-deputeti i partisë Demokratike, Flamur Noka mbajti fjalën para protestuesve, në nisje të protestës së opozitës.
Në fjalën e tij, Noka theksoi se vetëm të bashkuar shqiptarët do mund të ndëshkojnë hajdutët dhe çdokënd që i bën keq këtij vendi, ndërsa artikuluan në kor thirrjen ndaj kryeministrit Rama, për t’u larguar.
“Asgjë nuk i ndal shqiptarët kur janë bashkë. Hajdutët e këtij vendi do t’i ndëshkojmë, të keqen e këtij vendi do ta largojmë. Ne jemi bashkë. Ne jemi më shumë se kurrë. Sot jemi të gjithë bashkë kundër dhunës së pushtetit”, dëgjohet të ketë thënë Noka.
