Mëngjesin e kësaj të marte dy shqiptarë janë kapur pranë stacionit Lage Zwaluwe, Holandë. Ata po flinin në një tendë në pyll përballë stacionit.
Ndërsa, komuna Moerdijk njofton se ka luftuar për një kohë të gjatë me problemin e emigrantëve. Janë kryesisht shqiptarët që përdorin këtë shteg për t’u fshehur. Ata kanë për qëllim që të hipin nëpër kamionë dhe të arrijnë në Britani, raporton onswestbrabant.nl.
Më parë, ambasadori i Shqipërisë vizitoi komunën për të diskutuar problemet. Komuna e Moerdijk gjithashtu ka ftuar Ministrin e Drejtësisë dhe Sigurisë për të diskutuar për masat.
Ndërsa në foto ju keni mundësi të shikoni se ku kanë fjetur shqiptarët për gjatë natës. Nuk dihet sa kohë kanë qëndruar ata aty. Ndërsa autoritetet kanë nisur hetimet për rastin. Identiteti i tyre ende nuk është bërë i ditur. /TIRANA TODAY/
