Vdekja e afro-amerikanit, George Floyd gjatë arrestimit të policisë ka shkaktuar trazira të shumta në disa prej qyteteve të SHBA.
Prej ditësh tashmë mijëra protestues kanë pushtuar rrugët e qyteteve, duke kërkuar drejtësi për rastin e Floyd.
Mirëpo si duket ata nuk e kanë lënë me kaq. Ditën e sotme në qiellin e disa qyteteve janë parë duke “fluturuar” disa nga fjalët e fundit që i ndjeri tha para se të ndërronte jetë.
Ishte artisti Jammie Holmes, i cili zgjodhi këtë mënyrë për të bërë që fjalët e fundit të 46-vjeçarit të mos harrohen.
Postera që lexojnë “Ju lutem, nuk marr dot frymë” dhe “Ata do më vrasin” u panë në qiellin e Detroit dhe New York.
Të tjera aeroplane në Los Angeles, Miami apo Dallas tërhiqnin posterat me fjalët “Më dhemb qafa” dhe “Më dhembin të gjitha”.
Fotot e publikuara nga CNN
