Ish-deputetja e PD-së, Jorida Tabaku, akuzon sërish qeverinë lidhur me projektin e rrugës Milot-Fier, duke e cilësuar si një aferë.
Përmes një postimi në Facebook, Tabaku thotë se fituesi i këtij koncesioni është paracaktuar. Sipas saj, fituese do të shpallet kompania GEK Terna.
Tabaku tregon se kjo kompani ka marrë një hua prej 500 milionë eurosh pikërisht pasi ka marrë garancinë se do të jetë fituesja e koncesionit për rrugën Milot-Fier.
Postimi i plotë:
Rruga 1.2 miliardë euro, Milot-Fier, e gjatë 115 km, ku 62 km janë të përfunduara, është koncesion me fitues të paracaktuar. Ajo është kompania greke GEK Terna. Gjithçka tjetër është gënjeshtër për të mbuluar hajdutin, siç ka ndodhur kēto 7 vjet me çdo projekt PPP, të ideuar dhe zbatuar nga Rama. Një tjetër histori vjedhje me një barrë në kurrizin e shqiptarëve të varfëruar që do të paguhet për 35 vjet me radhë si PPP. Fakte të reja pse fituesi është paracaktuar.
