Damir Fazlliç, një nga biznesmenët më të përfolur në kohën e qeverisjes së PD, ka komentuar rezultatin e zgjedhjeve për kreun e PD-së.
Me anë të një postimi në Twitter, Fazlliç e krahason fitoren e Bashës me stilin e Koresë së Veriut, ndërsa shkruan “u prehsh në paqe”, për Partinë Demokratike.
“Forrest Gump fitoi, stili i Koresë së Veriut. RIP (u prehsh në paqe) partia më e madhe në historinë e Shqipërisë…”, ka shkruar ai.
Fazlliç u pa për herë të parë në Shqipëri në vitin 2005 në krah të kreut aktual të PD-së, Lulzim Basha, ndërkohë që nga socialistët është akuzuar si mik i familjes Berisha.
Për të doli edhe një urdhër arresti për akuzën e pastrimit të parave por që policia nuk pranoi ta ekzekutonte dhe ta ndalonte.
Forrest Gump wins, North Korea style. RIP the greatest party in Albanian history… #PD #LulzimBasha #Albania https://t.co/i9jSJKAtnO
— Damir Fazlic (@FazlicDamir) July 23, 2017
