Flamurtari vuan por kalon në gjysmëfinalen e Kupës së Shqipërisë. Vlonjatët u mposhtën 2-1 në “Selman Stërmasi” nga Partizani, por ishin të avantazhuar nga përballja e parë e fituar në Vlorë me rezultatin 1-0. Partizani ka zhvilluar një ndeshje mjaft të bukur dhe ka qenë shumë pranë përmbysjes, por skuadra e drejtuar nga Duro mbrohet mirë në minutat e fundit.
Kanë qenë sërish kuqezinjtë që kanë gjetur të parët rrugën e rrjetës, ku vetëm pas 11 minutash është Sidibe që dërgon topin në rrjetën e Alban Hoxhës. Të kuqtë rrisin presionin dhe hidhen në sulm pasi nuk kanë çfarë të humbin dhe në minutën e 38’ është Trashi që barazon gjithçka me një gol mjaft të bukur. Kur kishin mbetur edhe 11 minuta nga fundit i ndeshjes, Asani ka realizuar golin e dytë për Partizanin, që është hedhur në sulm për të gjetur edhe të tretin, që do t’i kishte dhuruar atyre kualifikimin, por nuk kanë arritur ta gjejnë atë.
Skënderbeu ka kaluar me mjaft lehtësi Teutën, duke e mposhtur 3-0 në Korçë. Bardhekuqtë janë kualifikuar me rezultatin e përgjithshëm 5-0, duke parë se kanë fituar takimin e parë 2-0. Ka qenë Lilaj ai që ka zhbllokuar ndeshjen 1 minutë para fundit të pjesës së parë, ndërsa Sowe ka realizuar dy golat e tjerë në minutat 60-të dhe 70-të, duke fiksuar shifrat në 3-0.
