Inxhinierja e njohur, Luljeta Bozo e cila fitoi mandatin e deputetes nga rradhët e Partisë Socialiste, ka komentuar zgjedhjet parlamentare të 25 prillit.
E ftuar në ”News 24”, Bozo u shpreh se nuk e priste që të merrte 5.435 vota, dhe shtoi se fushatën e ka bërë në rrugë, jo në zyra elektorale e takime me njerëz të grumbulluar.
Ndër të tjera, Bozo foli edhe për problemet e moshës së tretë, teksa tha se ka një plan për rritjen e pensioneve dhe angazhimin e të moshuarve në sektorë të ndryshëm.
Luljeta Bozo: ”Nuk prisja, isha kandidate pa zonë, mua më votonte i gjithë Qarku i Tiranës. Mua më votonte një qytetarë nga Kavaja, e deri në Paskuqan e Kamëz. Këtu kishte një paqartësi, sepse janë mësuar se do të kishe një zonë. Ishte herë e parë që nëse në çdo votim, sepse janë bërë shumë pas ’90-ës këtë herë votohej për kandidatin, kjo është e mirë. Elektorati nuk e dinte se kush ishin kandidatët.
Janë disa pensione që janë tepër të ulëta, ne i mbajmë lidhjet familjare dhe s’ka fëmijë të lë prindërit për bukën e gojës. Me aq sa marrin një pjesë të pensionistëve, nuk ia dalin. Rimbursimi i ilaçeve është gjë tjetër, duhet cilësi e fortë për ilaçet që futen. Me pensionistët duhet bërë që të kenë mundësi, sepse ka disa prej tyre që kanë qenë profesionistë dhe këtë gjë duhet ta transmetojnë. Shteti ndoshta s’i paguan, por unë kam dëshirë që ata që kanë bagazh, duhet të kontribuojnë për të mirën e vendit. Në lëmin e profesionit të ndryshme, profesioni i ndërtimit është kryesori. Janë idera, që i kam në mendjen time dhe kur mendoj që do të ngre një problem në Parlament, sepse kështu thotë Luljeta, jo, por sepse janë probleme të shoqërisë.
