Shkëlzen Berisha edhe pse nuk ka punuar asnjë ditë në jetën e vet, ka miliona euro pasuri. E njëjta gjë edhe për motrën e tij, e cila “justifikohet” të paktën me faktin se e bën një punë, atë të pedagoges.
Ata kanë apartamente dhe vila të shumta, që nëse do të kishim një shtet normal, nuk do t’i justifikonin dot.
Prej tyre përfitojnë mijëra euro në muaj, pasi kanë aq shumë, sa disa i lëshojnë me qira. Vajza e ish-kryeministrit ka deklaruar se përfiton rreth 24.840 mijë euro në vit nga qiratë.
Ajo ka dhënë me qira dy apartamente me 900 euro në muaj njëri dhe 1170 euro në muaj për tjetrin. Ndërsa djali i Sali Berishës ka deklaruar se nga qiratë ka përfituar 47.956 euro.
Pra në total vajza dhe djali i tij kanë përfituar plot 72 mijë euro brenda një viti vetëm nga qiratë. Por nuk mbeten pas as deputetët e opozitës, që flasin ditë e natë për varfërinë.
Edmond Haxhinasto shprehet se ka përfituar të ardhura nga qiraja e apartamentit, 7.200 euro. Po ashtu edhe bashkëshortja e tij ka dhënë një apartament me qira 7140 euro. Një shifër shumë të lartë ka deklaruar dhe Aldo Bumçi.
Ai është shprehur se ka marrë 36,400 euro. Nuk mbeten pas Florion Mima dhe Halim Kosova.
Mima ka deklaruar të ardhura të bashkëshortes nga qeraja e zyrës në emër të vajzës, 10.800 euro.
Ndërsa Kosova ka deklaruar të ardhura nga dhënia me qera e Spitalit Amerikan, 28.900 euro.
Luan Baçi ka deklaruar qera nga 3 objekte, me fitime 153.000 lekë, 68.000 lekë dhe 204.000 lekë.
Adnor Shameti në deklaratën pranë ILDKP shprehet se për vitin 2017 ka siguruar të ardhura sipas kontratës së qirasë më 19.04.2017 për njësinë me sip. 124.10 m2, 40 000 lekë/muaj.
Dhe të ardhura sipas kontratës së qirasë më 15.09.2016 për ap. me sip 250 m2 në Tiranë, bodrumin me sip. 21.06 m2 dhe garazhin me sip. 12 m2, 2.000 euro/muaj.
Deputeti që ka fituar më shumë nga qiratë është Astrit Veliaj, i cili ka deklaruar 30.078.396 lekë ose rreth 240 mijë euro.(TemA)
