Përfundon ndeshja e javës së 14 në Serinë A. Juventusi është turpëruar në shtëpi nga Fiornetina, pasi është mundur me rezultatin e thellë 0-3.
Miqtë, zhbllokuan shifrat me golin e Dushan Vlahoviç në minutën e 3, i cili “dogji” De Ligt dhe mposhti me një gjuajtje të zgjuar Sheznin, me një asist magjik të marrë nga Riberi.
Në minutën e 20, Juventusi mbeti me 10 lojtarë, pasi Kuadrado mori kartonin e kuq pas ndërhyrjes së VAR.
Në minutën e 76, bardhezinjtë pësuan golin e dytë, por në fakt ishte një autogol i realizuar nga Aleks Sandro, ndërsa 5 minuta më vonë, kampionët e Italisë e panë veten të kapitulluar, pasi Kaseres i dha goditjen përfundimtare ekipit të Pirlos, duke realizuar edhe golin e tretë.
Me këtë fitore, Fiorentina ngjitet në vendin e 14 me po kaq pike, ndërsa Juventusi mban vendin e 3 me 27 pikë.
