Luhet sonte finalja e madhe e Champions League mes Tottenham dhe Liverpool, e ashtu siç pritej nuk kanë munguar as incidentet, pak orë para ndeshjes.
Bëhet fjalë për 4 tifozë britanikë, të cilët janë arrestuar nga policia e Madridit nën akuzat e sulmit, edhe ndaj forcave policore.
Dhjetëra mijëra fansa kanë udhëtuar nga Britania e Madhe drejt kryeqytetit të Spanjës, pasi të dyja skuadrat patën rikthimin e tyre në gjysmëfinale.
Ndërkohë janë vendosur 1300 forca policore shtesë, përpara ndeshjes për të shmangur incidente të çfarëdolloj forme.
Në rrjetet sociale po qarkullon një video, ku shihen disa policë që hyjnë në një lokal dhe përplasen pa shkak me një grup tifozësh të Tottenham. Mësohet se rreth 25 tifozë kanë marrë dëmtime të lehta, disa prej të cilëve janë dërguar në spital.
Gjatë fundjavës pritet një numër i madh fluturimesh nga tifozët ‘e flaktë’ britanikë drejt Madridit.
Spanish police attacking Liverpool and Tottenham fans in Madrid tonight ? pic.twitter.com/RHMod2lcCr
— football.against.terrorism (@FCK1S1S) May 31, 2019
