Deputeti indian, Sukhbir Singh Jaunapuria, i cili filmoi veten në një pellg me baltë pasi besonte se mbante larg virusin, është konfirmuar së fundmi me COVID-19.
“Njeriu fiton imunitet nga bërja e këtyre gjërave”, shkruante deputeti krahas videos së publikuar.
Numri i lartë i infektimeve në Indi, i ka “detyruar” qytetarët që krahas trajtimit në spitalet e vendit, t’i besojnë edhe kurave alternative. Vendi aziatik ndodhet në një kolaps shëndetësor si pasojë e agresivitetit të sëmundjes. Rastet e regjistruara janë tepër të larta, e numri i vdekjeve po ashtu.
Deri më tani, në Indi janë konfirmuar më shumë se 5 milionë raste infektimi dhe 83.433 viktima.
