“Mrekullia në qelinë Nr.7″ është filmi më i suksesshëm i momentit në ” Netflix”. Gjatë ditëve të izolimit, njerëzit zgjodhën të shihnin këtë film dramatik, i cili i ka bërë të gjithë të qajnë.
Filmi trajton historinë e një babai të sëmurë mendor dhe vajzës së tij, të cilët bëjnë çdo gjë që të qëndrojnë bashkë.
Filmi turk “Mrekullia në qelinë nr.7”, vijon të ketë sukses në shumë shtete të botës. Ky film ka thyer rekord në Francë, duke u shpallur filmi më i ndjekur në platformat dixhitale në dy muajt e fundit.
Ky film është shpallur më i shikuari edhe në Turqi gjatë vitit 2019. Në të luajnë aktorë shumë të njohur si Aras Bulut Iynemli dhe Nisa Sofiya Aksongur.
