Armando Duka ka prezantuar ditën e sotme në ambientet e Federatës Shqiptare të Futbollit trajnerin e ri të kombëtares, Edoardo Reja. Ky i fundit ka firmosur kontratën ditën e sotme e cila besohet të jetë deri në fund të eliminatoreve.
“Nuk besoj se ka nevojë për prezantim, pasi ju e dini dhe e keni publikuar emrin e trajnerit të ri. Falënderoj Rejan që pranoi ftesën për bashkëpunimin me kombëtaren shqiptare. Shpresoj që nën drejtimin e trajnerit të kemi mundësi reale që të jemi kandidatë për në Europian”, tha Duka.
Reja: “Shpresoj që të krijojmë marrëdhënie të mirë me shtypin. Edhe nga përvoja ime personale, kam kërkuar të krijoj marrëdhënie të mirë me shtypin, kudo ku kam qenë. Faleminderit presidentit Duka që besoi te mua. Nuk ka qenë eksperiencë e mirë për mua. Skuadra u vendos në vështirësi. Jam i angazhuar me përzgjedhje lojtarësh. Nga natyra ime nuk më pëlqen të flas gjatë, kështu që pres pyetjet tuaja.”
Cili detaj iu bindi ti thoni “po” Shqipërisë dhe objektivat?
Kontrata ime është deri në nëntor dhe më pas do të shohim dhe nga kushtet. Unë firmos zakonisht kontrata njëvjeçare, sepse janë rezultatin që vendosin. Kisha mundësi të punoja në Itali, por kisha dëshirë të drejtoja një kombëtare dhe ja ku erdhi rasti të drejtoj Shqipërinë. Dua të përshëndes Panuçin për punën që ka bërë, më vjen keq që u largua. Duka më telefonoi pas shkarkimit të Panuçit dhe jam krenar për këtë ofertë.
Mua më pëlqen të impostoj skuadra me logjike, unë kam qejf skuadrat agresive, por jo gjithmonë. Kjo është një punë që duhet ta bëj në pak kohë. Varët nga shumë situata, varet nga grupi. Çfarë stimujsh mund të ketë lojtari. Në vitet që kam gjatë eksperiencës time, arrij të kuptoj dhe t’u hyjë në kokë lojtarëve. Në këtë punë, kushdo që punon me kombëtaret nga që si ka gjithë kohën lojtarët, duhet të hyjë në mënyrë sa më të shpjete në sintoni me ta. Më lini pak kohë të njoh skuadrën dhe që shohim rezultatet.
