FIFA i jep fitoren 3-0 Gjermanisë, ja çfarë ndodhi

Në fillim të ndeshjes mes Gjermanisë dhe Meksikës të gjithë shikuesit nëpër botë kanë fërkuar sytë pas një gafe që bëri FIFA, duke e filluar ndeshjen 3-0 në favor të gjermanëve. Kur shënohej sekonda e 19 e ndeshjes, në një cep të ekranit u shfaq rezultati 3-0 për Gjermaninë, një gabim i regjisë ndërkombëtare e cila i fali 3 gola kampionëve në fuqi të turneut.FIFA është përgjegjëse për transmetimin ndërkombëtar dhe ai gabim bëhej nga kompjuteristët e saj, në qendrën ku prodhohej sinjali ndërkombëtar që shpërndahej më pas në gjithë botën. Më pas FIFA e kuptoi gabimin dhe e kaloi gjithçka në 0-0, ndërsa Gjermania as nuk iu afrua parashikimit, pasi u mund me rezultatin 1-0 nga Meksika.