Një grua ka shkuar të takojë të birin të arrestuar, por ka rënë vetë në pranga.
Ngjarja ka ndodhur në Fier, ndërsa mësohet se gruaja ka tentuar të fusë në burg telefona celular për të birin, duke tentuar t’i maskonte ata.
Megjithatë, shtetasja Olimbi H., 51-vjeçe nuk ka arritur të takojë të birin, pasi ajo është zbuluar gjatë kontrollit të policisë dhe më pas është arrestuar.
Njoftimi i policisë:
Specialistët për Hetimin e Krimeve në Komisariatin e Policisë Fier, arrestuan në flagrancë shtetasen:
-Olimbi H., 51 vjeçe, banuese në Fier.
Arrestimi i saj u bë pasi ka tentuar të fut në IEVP Fier, bashkë me ushqimet dhe 4 aparate celularë djalit të saj të burgosur.
Materialet i kaluan Prokurorisë pranë Gjykatës së Shkallës së Parë Fier për veprën penale “Futja ose mbajta e sendeve të ndaluara në institucionet e ekzekutimit të vendimit me burgim” e mbetur në tentativë, parashikuar nga Neni 324/a/1 dhe 22 i Kodit Penal.
