Pas një hetimi një mujor, specialistët për Hetimin e Narkotikëve në Drejtorinë Vendore të Policisë Fier finalizuan operacionin antidrogë Të koduar “Red 2” gjatë të cilit u arrestua Elvir Kananaj, 28 vjeç, banues në lagjen “Afrimi i Ri” në Fier.
Në momentin e kapjes në flagrancë, shtetasit Ervin Kananaj i’u gjetën me vete 22 doza lëndë narkotike e dyshuar heroinë e cila u sekuestrua në cilësinë e provës materiale së bashku me 480 mijë lekë dhe 10 euro.
Materialet proceduriale do i kalojnë Prokurorisë pranë Gjykatës së Shkallës së Parë Fier për veprat penale “Prodhimi dhe shitja e narkotikëve” dhe “Nxitja për përdorimin e drogës” parashikuar nga Nenet 283 dhe 286 të Kodit Penal.
