Shkodran Mustafi u bë protagonist këtë fundjavë në përballjen mes Arsenal dhe Cardiff me një gol mjaft të bukur me kokë. Por pavarësisht golit, më shumë bujë bëri festa e shqiptarit që luan për Gjermanin, duke formuar shqiponjën dykrenare me duar. Asistin për të e dha një shqiptar tjetër, Granit Xhaka.
Por menjëherë pas festës mediat britanike aluduan se ndaj tij do të merret një dënim nga Federata Angleze, pasi merrnin shkak nga ngjarjet që ndodhën në Botërorin e Rusisë, ku Xhaka dhe Shaqiri u dënuan nga FIFA për një gjest të tillë.
Por ditën e sotme është “Mirror” që bën me dije se për mbrojtësin e Arsenal nuk do të ketë asnjë dënim nga Federata e Anglisë, pasi nëpërmjet një njoftimi të vetë Federatës është bërë e ditur se nuk do te ketë asnjë masë ndaj Mustafit.
