Dy artistët, Ermal Meta dhe Fabrizio Moro janë pezulluar nga konkurrimi në festivalin e muzikës italiane i njohur me emrin “Sanremo”. Publiku priste që dy të artistët të performonin edhe gjatë mbrëmjes së sotme, pas debutimit të një nate më parë me këngën “Nuk më keni bërë asgjë”.
Por organizatorët e festivalit në marrëveshje me drejtorin artistik Claudio Baglioni kanë vendosur të pezullojnë shfaqjen e tyre “në pritje të sqarimeve që janë duke u kryer lidhur me çështjen e shkeljes së mundshme të rregullores së festivalit nga ana e këngës.
Vazhdon të përflitet kënga e dy artistëve, pasi në natën e djeshme, pas shfaqjes së tyre, një sajt kishte shfaqur ngjashmëritë e dukshme mes kësaj kënge dhe një tjetre, “Silenzio”, e paraqitur në “Sanremo Giovani” në vitin 2016 dhe e shkruar nga i njëjti autor edhe i këngës së sivjetme, Andrea Febo.
